ایک صاحب نے عرض کیا کہ بعض حضرات قوت خیالیہ سے مرض کو سلب کرلیتے ہیں فرمایا کہ یہ ایک مستقل فن ہے مگر اس میں خرابی یہ ہے کہ لوگ ایسے شخص کو بزرگ سمجھنے لگتے ہیں اور اگر یہ عامل عامی شخص ہے اور غیر محقق ہے تو یہ بھی اپنے کو بزرگ سمجھ بیٹھتا ہے اس میں دین کے لئے بڑا فتنہ ہے اور آج کل ان ہی وجوہ سے گمراہی کا دروازہ کھلا ہے ان اطراف میں تو بحمداللہ بہت ہی امن ہے ادھر ادھر جا کر دیکھیے بڑے بڑے راہ زن جاہل بددین مخلوق خدا کو گمراہ کر رہے ہیں یہاں پرتو پھر اپنے بزرگوں کا اثر ہے گو ہمارے قصبات میں عمل آوارگی ہے مگر بددینی نہیں عقائد صحیح ہیں اس میں اپنے بزرگوں سے متبع ہیں ۔
