حلاج کی وجہ تسمیہ ایک مولوی صاحب کے سوال کے جواب میں فرمایا کہ حسین بن منصور حلاج جو ایک مشہور بزرگ تھے ان کے حلاج کہنے کی وجہ یہ ہوئی کہ ان کی ایک نداف سے دوستی تھی اس کے یہاں کپڑا بھرائی کے واسطے بہت زیادہ آ گئے روئی زیادہ جمع ہو جانے کی وجہ سے یہ پر یشان تھا اتفاق سے یہ بزرگ تشریف لے آ ئے دریافت فرمایا کہ پریشان کیوں ہو عرض کیا کہ حضرت کپڑے بھرائی کے لیے بہت آ گئے ہیں روئی اس قدر دھنکنا مشکل ہے اس وجہ سے پریشان ہوں یہ سن کر آپ نے ایک نظر اس روئی کے ڈھیر کی طرف کی تمام روئی دھنکی گئی اس وجہ سے حلاج مشہور ہو گئے ـ
