ایک صاحب کے سوال کے جواب میں فرمایا کہ اس راہ میں صرف ایک ہی طریق ہے کامیابی کا وہ یہ کہ خدا سے محبت پیدا کرو بس یہی جڑ ہے تمام تصوف کی بدوں اس کے اس راہ میں کامیابی مشکل ہے اب رہا یہ کہ محبت پیدا کرنے کا کیا طریق ہے سووہ طریق یہ ہے کہ اہل محبت کے پاس بیٹھو ان کی صحبت اختیار کرواس کی برکت سے یہ چیز نصیب ہوجائےگی اور یہ چیز نہ پیرکی توجہ پرموقوف ہے اور نہ کسی تعویذ گنڈوں پریہ خود اپنی طلب پرموقوف ہے اب جس کوبھی عطا ہوجائے مگرطلب ضرور شرط ہے ۔
