ایک شخص نے آکر نہایت بلند آواز سے عرض کیا کہ میں ایک رقعہ لایا ہوں
فلاں صاحب نے بھیجا ہے حضرت والا نے وہ رقعہ ٓلے لیا اور مزاحا فرمایا کہ رقعہ تو دکھایا
پہچھے اور رکا (شوروغل ) دیدیا یا پہلے ـ اسی سلسلہ میں فرمایا کہ یہ بد سلیقگی کی بات ہے اتنے زور
سے چیخا کہ جیسے اذان دیا کرتے ہیں اعتدال تو رہا ہی نہیں یا تو اس قدر آہستہ بولیں گے کہ
کوئی سن ہی نہ سکے یا کانوں کے پردے بھی پھاڑدیں گے غرض افراط وتفریط سے خالی
نہیں

ایک سلسلہ گفتگو میں فرمایا کہ مجھ سے ایک تاجر نے روایت کی کی ایک شخص نے
جو بریلوی خانصاحب کا مرید تھا گکگتہ میں یہ کہا تھا کہ کون کہتا ہے اشرف علی دیو
بندیوں میں سے ہیں دیوبندی خواہ مخواہ اس کو اپنی طرف منسوب کرتے ہے وہ تو ہماری
جماعت سے ہیں اسکی وجہ صرف یہ ہے کہ میں سختی نہیں کرتا ہر چیز کو اس کی حد پر رکھتا
ہوں حتیٰ کہ بریلوی مسلک کے متعلق بھی غصہ سے کام نہیں لیتا اس اعتدال سے وہ سمجھ
گے کہ یہ ہمارا اہم عقیدہ ہے ہمارے حضرت حاجی صاحب رحمتہ اللہ علیہ فرمایا کرتے تھے
کہ ہر شخص مجھ کو کو اپنے رنگ پر سمجھتا ہے اور میں ہر رنگ سے جداہوں اس پر ایک مثال
عجیب فرمایا کرتے تھے کہ میری ایسی مثال ہے جیسے پانی کہ اس میں کوئی رنگ نہیں مگر
جس رنگ کی بوتل میں بھردوں اس کا وہی رنگ معلوم ہونے لگتا ہے میں اس شعر پر یہ پڑھا
کرتا ہوں ے
ہر کسے ازظن خود شد یار من وزدرون من نہ جست اسرار من

ایک سلسہ گفتگو میں فرمایا کہ محبت بھی عجیب چیز ہے اس کی بدولت انسان
سب کچھ برادازت کرلیتا ہے محبوب کی تو خفگی بھی محبوب ہوتی ہے کسی نے خوب کہا
ہے

تم کو آتا ہے پیار پر غصہ ہم کو غصہ پہ پیار آتا ہے

اہل محبت کی تو شان ہی جدا ہوتی ہے حضرت شاہ ابوالمعالی رحمتہ اللہ علیہ کے ایک مرید حج
کو گے شاہ صاحب نے مرید سے کہا کہ جب مدینہ منورہ حاضر ہو تو روضہ اقدس پر میرا بھی
سلام عرض کرنا چنانچہ یہ بعد فراغ حج مدینہ منورہ حاضر ہوئے اور پیرا کا سلام عرض کیا
وہاں سے ارشاد ہوا کہ اپنے بدعتی پیر سے ہمارا سلام کہ دینا جس کو ان مرید نے بھی
سنا جب واپس آئے توحضرت شاہ ابوالمعالی صاحب نے پوچھا کہ ہمارا سلام بھی عرض
کیا تھا انھوں نے کہا کہ میں نے عرض کردیا تھا حضورﷺ نے بھی ارشاد فرمایا کہ اپنے
پیرا ہمارا بھی سلام کہ دینا شاہ صاحب نے فرمایا کہ وہی الفاظ کہو جو وہاں سے ارشاد
ہوئے عرض کیا کہ جب حضورﷺ کے الفاظ حضرت کو معلوم ہیں تو پھر میرے
ہی کہنے کی کیا ضرورت ہے نیز میری زبان سے وہ الفاظ اداہونا سوء ادب ہے شاہ صاحب
نے فرمایا کہ معلوم ہیں مگر سننے میں اور ہی مزا ہے اور بھائی تم خود تو نہیں کہتے وہ تو
حضورﷺ کے ارشاد فرمائے ہوئے ہیں تمہارا ادا کرنا تو حضور ﷺ ہی کا فرمانا ہے اس
میں بے ادبی کیا ہوتی بالا خر مرید نے وہی الفاظ اداکردئیے سن کر شاہ صاحب پر وجد کی
حالت طاری ہوگئی اور کھڑے ہوکر بیسا ختہ زبان پر شعر جاری ہوگیا

بدم گفتی وخر سندم عفاک اللہ نکو گفتی
جواب تلخ میزیبد لب لعل شکر خارا
(آپ نے مجھے بڑا کہا مگر میں تو خوش ہوں اللہ تعالیٰ آپ کو جزائے خیر عنایت
فرماوے آپ کے کے لب شیریں سے تو تلخ جواب بھی پیارا ہی معلوم ہوتا ہے 12ـ)
غرض محبت وہ چیز ہے کہ حضور نے بدعتی بھی فرمایا اور سلام بھی فرمایا اور شاہ صاحب
پر حالت بھی طاری ہرگئی اور بدعت سماع کو فرمایا سماع جامع شرائط صوۃ بدعت ہے حقیقت بدعت نہیں

ایک صاحب کی غلطی پر موا خذہ فرماتے ہوئے فرمایا جب میں کسی سے کوئی
فرمائش کرتا ہو ں تو میرا قاعدہ جس پر ایسے کم عقلوں کے واسطے خود بھی عمل کرتا
ہوں اور دوسروں سے بھی مشورہ دیتا ہوں کہ بات کہ کر مخاطب سے اعادہ کرالینا چایئے
تاکہ غلط فہمی کا شبہ نہ رہے اور صل بات یہ ہے کہ کام میں ہر بات میں سلیقہ کی
ضرورت ہے سلیقہ سے طبیعت پر اچھا اثر ہوتا ہے اور بد سلیقگی سے طبعیت مکدر ہوتی ہے مگر
آجکل یہ باتیں قریب قریب لوگوں میں مفقود ہیں سمجھنا پر بھی اثر نہیں ہوتا پھر جب
تجربوں کے بعد قواعد مقرر کئے جو اپنی اور دوسروں کی راحت کا سبب ہیں
آدمی کو خود اپنی اصلاح کی فکر نہ ہو دوسراکیا اصلاح کر سکتا ہے

بسم اللہ الرحمن الرحیم
یکم ذیقعدہ 1350 ھ مجلس خاص بوقت صبح یوم پنجشنہ

فرمایا کہ کل ایک صاحب نے بذریعہ خط اطلاع دی کہ میں ایک منی آرڈر بھیجوں
گا اور اس خط میں منی آرڈر کی رقم کے متعلق تفصیل بھہ درج تھی کہ کس کس مد میں کتنا
کتنا روپیہ صرف کیا جائے میں نے لکھ دیا کہ میں آپ کے اس خط کو محفوظ نہیں رکھ سکتا
اگر اس منی آرڈر کے کوپن میں یہ تفصیل درج ملی تو میں اس منی آرڈر کو وصول لرلوں گا
ورنہ واپس کردوں گا اسی کے متعلق زبانی ارشاد فرمایا کہ پہلے میں انتظار منی آرڈر ایسے
خطوط کو محفوظ رکھ لیتا تھا مگر بار ہا ایسا ہوا کہ خط مدت دراز تک رکھا رہا اور منی آرڈر ندارد
کہیں کچھ کریں کچھ لکھ تو دیتے کی منی آرڈر بھیجونگا جس سے یہ سمجھا جاتا ہے کہ قریب
ہی آجاوے گا لیکن پھر بھیجا ہے نہیں مجھے تو مانت رکھنے کی زحمت فضول ہی اٹھانی پڑی
ان تجربوں کی بنا پر میں نے یہ معمول مقرر کرلیا کہ صاف لکھ دیتا ہوں کہ میں خط کو محفوظ
نہیں رکھ سکتا اگر کوپن میں اس رقم کے متعلق کوئی کافی تحریر نہ ہوئی تو منی آرڈر واپس کر
دیا جائے گا واقعی مجھ کو خط کا یاد رکھنا یا مشاغؒل کیثرہ میں اس کا محفوظ رکھنا بڑا مشکل
ہے اور میں بحمداللہ کسی کو دھوکا نہیں دیتا صاف لکھ دیتا ہوں کہ مجھ سے خط محفوظ نہیں
رکھا جاتا چنانچہ آج ہی ایسا ایک منی آرڈر آیا تھا جس کے کوپن میں کوئی تحریر نہیں تھی اور
اس کے متعلق کوئی خط بھی محفوظ نہ تھا اس کو میں نے واپس کردیا مگر واپس نہ کرتا تو اور
کیا کرتا ـ اتنا تو البتہ مجھے یاد آیا کہ کوئی خط اس رقم کے متلعق آیا تھا مجھے تفصیل تو یا نہیں
رہ سکتی یہ بھی یاد پڑتا ہے کہ مدرسہ کے لئے روپیہ بھیجنے کو لکھا گیا مگر میں محض اس شبہ کی
بناء پر تو وصول نہیں کر سکتا تھا اگر بھیجنا ہو پھر باقاعدہ بھیجیں نہ معلوم یہ کیا حرکت ہے
جب کہ کوپن میں کافی جگہ موجود ہے مگر اس پر ایک حرف نہیں لکھاـ کوپن میں تو اتنی
گنجائش ہے کہ رقم کے متعلق جو لکھ دیتے مگر ایسا نہیں کرتے یہ بھی ایک مرض
ہے کہ علحیدہ کارڈ لفافہ بھیجیں گے اور اپنے نزدیک سمجھیں گے کہ کافی ہوگیا مگر خود الگ
خط بھیجنا بھی تو سبب ہو جاتا ہے کلفت کا اور جیسا ابھی بیان کیا کہ پھر مدت تک خبر
نہیں لیتے اگر اس طرح ستاویں نہیں تو خیر خط کا محفوظ رکھنا بھی کیا مشکل تھا مگردق جو
کرتے ہیں پہلے پہلے میں نے ہر طرح اخلاق کا برتاؤں کیا مگر جب بد تمیزیوں کا تحمل نہ ہوا تو
میں نے بھی ضابطے تجویز کئے ـ ایک صاحب نے کسی گاؤں سے جمعہ کے متعلق استفتا
بھیجا تھا میں نے اس پر یہ دریافت کیا کہ بازار بھی ہے یانہیں انہوں نے اس خط کو
تو وہیں رکھ لیا اور ایک علحیدہ کارڈ میں لکھ بھیجا کہ بازار ہے میں نے لکھا کہ پہلا خط بھی
تو بھیجنا چاہیئے کیونکہ بعضے اجزا اس میں ہوں گے جو مجھے زبانی کیسے یاد رہ سکتے ہیں اب دیکھ
لیجئے کچھ حذ ہے اس بدتمیزی کی اپنی حرکتوں کو دیکھتے نہیں اور جب میں تنگ آکر
ضابطے مقرر کر دیتا ہوں تو کہتے ہیں کہ صاحب بڑے بد اخلاق ہیں آپ ہی لوگوں نے مجھے
ہوشیار کردیا ـ اس پر بعض ذہین لوگ کہتے ہیں کہ کیا ضرور ہے سب ایسے ہی بد تمیز
ہوں تو قانون عام کیو مقررکیا جاتا ہے لیکن جس کو واقعات پیش آچکے ہوں اس کو یہ
کیا خبر کہ فلاں شخص ایسا نہیں ہے واقعات کی بناء پر قانون مقرر کیا جاتا ہے پھر جب
قانون مقرر ہوگیا تو اب اثتثنا کی کیا وجہ؟ بالخصوص جہاں بالکل مجہول حالت ہو جیسے کل
وہ صاحب کھجور پیش کر رہے تھے اور باوجود اس سمجھا دینے کے کہ معمول نہیں میں
اسیے شخص سے ہدیہ لوں جس سے بے تکلفی نہ پھر کیسی گڑ بڑ کی ـ میں نے بہت تجربوں کے بعد قواعد مقرر کئے ہیں جو اپنی اور دوسروں کی راحت کا سبب ہیں –