ایک سلسلہ گفتگو میں فرمایا کہ میں نے جو مجموعہ خطیب لکھا ہے اس میں ایک خطبہ ہے محاسبہ اور مراقبہ کا اسمیں مجھ کو دو مشکلیں پیش آئیں ایک تو قید تساوی خطیب کے التزام کیساتھ ضبط مضمون کی کہ مضمون بہت طویل تھا جیسا احیاء کے کتاب المحاسبہ کے مطالعہ سے معلوم ہوتا ہے اور ایک رعایت قوافی کی خدا تعالی کا فضل ہوا ـ خواب میں کسی نے اس کی عبارت بتلادی جس سے دونوں مشکلیں حل ہو گئیں صبح کو اٹھا تو کل حصہ تو محفوظ نہ تھا مگراکثر حصہ متخیلہ میں باقی تھا سو اس خطبہ کو الہامی نہ کہئے اس لئے کہ الہام تو بزرگوں کو ہوا کرتا ہے عوام کو تو خواب میں بتلادیا جاتا ہے ـ
