ایک صاحب نے عرض کیا کہ حضرت قصبہ پھول پور ضلع اعظم گڑھ مولوی عبد الغنی صاحب کے مدرسہ میں ایک شخص پانی پینے آیا اس سے ایک شخص نے دریافت کیا کہ کہاں جاؤ گے اس نے کہا کہ فلاں جگہ جلسہ ہے وہاں نصاری ہونے جا رہا ہوں ۔ مراد یہ تھی کہ انصاری ہونے جا رہا ہوں مگر غایت جہل سے دونوں لفظوں میں فرق نہیں کر سکا ۔ حضرت والا نے فرمایا کہ ٹھیک تو کہا کہ نصاری ہونے جا رہا ہوں یعنی متکبر ہونے جا رہا ہوں ، جیسا آج کل مشاہدہ ہے البتہ پہلے نصاری متکبر نہ تھے جن کے متعلق قرآن پاک میں ہے ” و انھم لا یستکبرون”
