ایک مولوی صاحب کے سوال کے جواب میں فرمایا کہ یہ بڑی خطرناک بات ہے کہ محض دنیا کے واسطے اپنے فروغ مذہب کو چھوڑ دے ، مثلا شافعی ہے محض دنیاوی غرض سے حنفی ہو جائے یا اگر حنفی ہے تو شافعی ہو جائے ۔ علامہ شامی نے لکھا ہے کہ ایک بزرگ سے زکر کیا گیا کہ ایک شخص جو اپنے مذہب کے فروع کو حق سمجھتا تھا اس کو کسی حنبلی کی بیٹی لینے کے لیے چھوڑ دیا ۔ انہوں نے فرمایا کہ مجھ کو اندیشہ ہے کہ اخیر وقت میں اس کا ایمان نہ سلب ہو جائے کیونکہ ایک مردار دنیا کے واسطے دین کو نثار کیا ۔
