ایک ملازم لڑکے کے متعلق فرمایا کہ وہ آج پٹا ہے اس کو کسی کام کو بھیجا جاتا تھا تو کئی گھنٹہ میں واپس آتا تھا ، پیٹنے کے بعد ڈاک خانہ بھیجا ، اس قدر جلد واپس آیا ، شبہ ہوتا تھا کہ شاید ڈاک خانہ گیا بھی یا نہیں ، معلوم ہوا کہ دوڑا ہوا گیا اور دوڑا ہوا آیا ، ٹھیک ہو گیا مگر یہ اثر دو چار ہی روز رہے گا پھر وہی حرکت کرے گا فرمایا کہ یہی معاملہ بندہ کا حق سبحان تعالی کے ساتھ ہے کہ اس کو متنبہ کیا جاتا ہے چند روز اثر رہا پھر کچھ بھی نہیں وہی حرکتیں شروع کر دیتا ہے مگر حجت الہی تام ہو جاتی ہے یہ نہیں کہہ سکتا کہ مجھ کو تنبہ نہ ہوا ۔
