ایک سلسلہ گفتگو میں فرمایا کہ ایک لطیفہ یاد آیا ، حضرت حاجی صاحب سے ایک بڑے بزرگ ملاقات کے لیے آئے ، حضرت نے کچھ مدحیہ الفاظ ان کی نسبت فرمائے ، عرض کیا کہ حضرت میں تو کچھ بھی نہیں ، حضرت نے مزاحا فرمایا کہ عارف جب اپنی تعریف کرتا ہے یہ ہی کہتا ہے کہ میں کچھ نہیں یعنی من فانیم دوسرا لطیفہ ایک صاحب نے کان پور میں دوسرے صاحب سے بسلسلہ گفتگو کہا کہ من آنم کہ من دانم ۔ انہوں نے جواب دیا کہ اس کے معنی تو یہ ہیں کہ آپ عارف ہیں کیونکہ من عرف نفسہ فقد عرف ربہ ۔
