ایک مولوی صاحب کے سوال کے جواب میں فرمایا کہ اظہار اسرار میں بہت سے خطرات ہیں جو حضرات مغلوب الحال ایسا کر گئے اس سے بہت سے نا اہل اور بد فہم گمراہ ہو گئے ۔ یہ تو علمی ضرر ہے اور ایک عملی ضرریہ ہے کہ اس میں لگ جانے سے یہ خود اچھا خاصہ مشغلہ ہو جاتا ہے اور جو کام کرنے کے ہیں وہ رہ جاتے ہیں اس لیے میں کہا کرتا ہوں کہ ان چیزوں کی طرف تو التفات بھی نہ کرنا چاہیے ، اصل چیز التفات کی احکام کی اتباع ہے یہ بڑی چیز ہے ۔
