ملفوظ 225: آئینہ میں تصویر نظر نہیں آتی یا کہ حضرت شیشہ میں بھی تصویر ہوتی ہے اس کو دیکھنا کیوں جائز ہے فرمایا میں اس سوال کو سمجھا نہیں شیشہ میں کیسی تصویر ہوتی ہے عرض کیا کہ جب شیشہ انسان دیکھتا ہے تو اس کی تصویر اس میں نظر آتی ہے فرمایا اس میں تصویر کہاں ہوتی ہے غلط ہے اس کی تو صورت یہ ہے کہ یہ آپ کی نگاہ کی شعاع جو اس پڑتی ہے وہ شعاع واپس ہو کر چہرہ پر پڑتی ہے تو یہ چہرہ نظر آتا ہے اس میں کچھ بھی نہیں مرئی ( دکھائی دینے والی چیز ) یہ خود ہی ہوتا ہے ـ عرض کیا کہ آج حضرت کے فرمانے سے سمجھ میں آیا بہت عرصہ سے یہ شیشہ دل میں تھا فرمایا کہ احکام میں دخل دینا عوام کو اسی واسطے جائز نہیں نہ معلوم کیا گڑ بڑ کریں غرض اس کو دوسری تصاویر پر قیاس نہیں کر سکتے ـ 8 رمضان المبارک 1350ھ مجلس بعد نماز ظہر یوم یکش
