ایک مولوی صاحب کے سوال کے جواب میں فرمایا کہ عرب کی ذہانت تو مشہور ہے ایک ثقہ نے بیان کیا کہ ایک ترکی ایک
دکان پر سودا خریدنے گیا ، دکاندار کی عمر بالکل کم تھی ، کچھ نرخ میں اختلاف ہوا ، اتفاقا اس نے کچھ تولنے کے لیے باٹ اٹھایا وہ ترکی ذرا جھجکا اس لڑکے نے فورا اس کا گلا پکڑ لیا اور کہا کہ واللہ نصرانی ( خدا کی قسم یہ تو عیسائی ہے ) لوگ جمع ہو گئے اور پاجامہ کھول کر دیکھ لیا
تو غیر مختون تھا ، گرفتار کر کے حمیدیہ میں بھیج دیا ، اس لڑکے سے پوچھا گیا تو نے کیسے سمجھا ، اس نے کہا کہ ترک فاتح ہیں ، ہم مفتوح تو اس کو ہم سے جھجک نہیں ہو سکتی ، میں اس سے سمجھا کہ وہ بنا ہوا ترکی ہے ۔
