ایک سلسلہ گفتگو میں فرمایا کہ یہ وقت مسلمانوں کی غفلت کا نہیں مگر مشکل تو یہ ہے کہ اگر مسلمان غفلت سے بیدار ہوتے ہیں تو اس کے مصداق ہو جاتے ہیں ۔ اگر غفلت سے باز آیا جفا کی تلافی کی بھی ظالم نے تو کیا کی یعنی اس بیداری میں نہ اتباع احکام کا ہوتا ہے نہ باہمی اتفاق ہوتا ہے ۔ اسی نا اتفاقی کے متعلق ایک انگریز حاکم نے ایک بات خوب کہی کہ ہندوؤں کے دو دشمن ایک مسلمان اور ایک انگریز ، انگریز کے دو دشمن ایک ہندو اور ایک مسلمان اور مسلمانوں کے تین دشمن ایک ہندو ایک انگریز ، ایک خود مسلمان ۔
19 ذیقعدہ 1350 ھ مجلس خاص بوقت صبح یوم دو شنبہ
