اقوال

ملفوظ 225: آئینہ میں تصویر نظر نہیں آتی یا کہ حضرت شیشہ میں بھی تصویر ہوتی ہے اس کو دیکھنا کیوں جائز ہے فرمایا میں اس سوال کو سمجھا نہیں شیشہ میں کیسی تصویر ہوتی ہے عرض کیا کہ جب شیشہ انسان دیکھتا ہے تو اس کی تصویر اس میں نظر آتی ہے فرمایا اس میں تصویر کہاں ہوتی ہے غلط ہے اس کی تو صورت یہ ہے کہ یہ آپ کی نگاہ کی شعاع جو اس پڑتی ہے وہ شعاع واپس ہو کر چہرہ پر پڑتی ہے تو یہ چہرہ نظر آتا ہے اس میں کچھ بھی نہیں مرئی ( دکھائی دینے والی چیز ) یہ خود ہی ہوتا ہے ـ عرض کیا کہ آج حضرت کے فرمانے سے سمجھ میں آیا بہت عرصہ سے یہ شیشہ دل میں تھا فرمایا کہ احکام میں دخل دینا عوام کو اسی واسطے جائز نہیں نہ معلوم کیا گڑ بڑ کریں غرض اس کو دوسری تصاویر پر قیاس نہیں کر سکتے ـ 8 رمضان المبارک 1350ھ مجلس بعد نماز ظہر یوم یکش

ملفوظ 223: ممکن ہے کہ شیخ کے پیر سے مناسبت نہ ہو فرمایا ! کہ جب حضرت حاجی صاحب نے حضرت مولانا گنگوہی کو بیعت کی اجازت دی مولانا نے اسی وقت عذر فرمایا مگر حضرت نے اصرار سے فرمایا مولانا گنگوہ پہنچے تو ایک بی بی نے مرید ہونے کی درخواست کی حضرت گنگوہی رحمتہ اللہ علیہ نے انکار فرما دیا ـ اتفاق سے حضرت حاجی صاحب گنگوہ تشریف لائے اس وقت حاجی صاحب سے اس بی بی نے شکایت کی ـ حضرت نے مولانا سے فرمایا کہ اس کو بیعت کرو مولانا نے عرض کیا کہ حضرت اب تو آپ تشریف رکھتے ہیں آپ ہی کر لیجئے ـ حضرت حاجی صاحبؒ نے اس پر عجیب جواب دیا جس میں ایک مسئلہ بھی بیان فرما دیا کہ اگر اس کو مجھ سے عقیدہ نہ ہو تم سے ہی ہو پھر فرمایا ہمارے سامنے مرید کرو پھر اس کو مرید کیا مولانا سے ایک مولوی صاحب نے عرض کیا کہ حضرت اس میں مسئلہ کیا ہوا فرمایا مسئلہ یہ ہوا کہ اگر پیربھی پیر ہو اور اس کی طرف میلان نہ ہو ( یعنی مناسبت نہ ہو ) تو اس سے نفع نہ ہو گا ـ

ملفوظ 222: اس طریق میں مناسبت بڑی چیز ہے فرمایا ! کہ اس طریق میں مصلح کیساتھ مناسبت ہونا بڑی چیز ہے بدوں مناسبت کے طالب کو نفع نہیں ہو سکتا ـ یہی وجہ ہے کہ میں عدم مناسبت کی بناء پر طالب کو مشورہ دیتا ہوں کہ مجھ سے تم کو نفع نہ پہنچے گا اگر تم چاہو تو کسی دوسرے مصلح کا نام بتلا دوں

ملفوظ 221: شیخ کی خدمت میں ایک خاص مدت تک رہنا ایک مولوی صاحب کے سوال کے جواب میں فرمایا کہ میں اہل طریق کے لئے ہمیشہ اس کا خیال رکھتا ہوں کہ ہر کام سہولت سے ہو جائے حتی کہ بڑے بڑے مقاصد سہولت سے حاصل ہو جاتے ہیں اور یہ موقوف ہے صحبت پر مرید کو شیخ کی خدمت میں ایک مدت خاص تک رہنا ضروری ہے ـ اس سے مقصود میں خاص سہولت ہو جاتی ہے ـ رہا یہ کہ کس قدر مدرت میں کام ہو جاتا ہے اس کا تعین مشکل ہے یہ مناسبت پر موقوف ہے اگر اہل استعداد ہوتا ہے بہت جلد کام ہو جاتا ہے ـ حضرت حاجی صاحبؒ کی خدمت میں حضرت مولانا گنگوہی رحمتہ اللہ علیہ کل پنتالیس روز رہے اس کے بعد حضرت حاجی صاحبؒ نے فرمایا کہ ہم دے چکے جو کچھ دینا تھا ـ حضرت مولانا گنگوہی رحمتہ اللہ علیہ فرماتے تھے کہ اس وقت کا یہ فرمانا حضرت کا کہ ہم دے چکے جو کچھ دینا تھا سمجھ میں نہ آیا کہ کیا دیا مگر پندرہ برس کے بعد معلوم ہوا کہ یہ دیا تھا پھر اس پر حضرت مولانا گنگوہی نے مزاحا فرمایا کہ اگر ہم جانتے کہ یہ چیز ہے تو اتنی محنت کیوں کرتے ـ اس پر حضرت والا نے بھی مزاحا فرمایا کہ مل جانے پر فرماتے تھے ورنہ پندرہ برس تو معلوم ہی ہونے میں لگ گئے ـ

ملفوظ 218: ترجمہ ترجمہ نہ معلوم ہو ؟ ایک سلسلہ گفتگو میں فرمایا ! کہ ایک شخص کہتے تھے کہ ایسا ترجمہ ہو کہ ترجمہ سا نہ معلوم ہو ـ میں کہا کہ کیوں کیا گناہ ہے اس کی تو ایسی مثال ہے کہ ابا کو ایسے کپڑے پہنانا کہ ابا سے نہ معلوم ہوں ـ 8 رمضان المبارک 1350ھ مجلس خاص بوقت صبح یوم یکشنبہ

ملفوظ 217: کام خود کرنا آسان کرانا مشکل ایک مولوی صاحب نے مضامین وعظ پر کچھ سرخیاں قائم کیں تھیں وہ حضرت والا کو دکھلا کر مشورہ چاہتے تھے اس پر فرمایا کہ پھر آپ ہی کا کیا آرام ملا ـ جب ہر بات میں مجھ کو شریک غالب کیا جاتا ہے میں نے اپنی حالت کو دیکھا ہے کہ کام خود کرنا تو آسان اور کرانا کام بہت مشکل ہے ـ یہ میری کچھ طبعی بات ہے اور ہمیشہ سے ہے ـ