اقوال

ایک ہندو کو روک ٹوک کا فائدہ ایک ہندو گنڈا بنوانے کی غرض سے حاضر ہوا اس کی بعض بد عنوانیوں پر حضرت والا نے روک ٹوک فرمائی ـ اس پر ایک مولوی صاحب نے عرض کیا کہ حضرت یہ تو ہندو ہے اور ہے بھی جاہل تو ایسے لوگوں کی روک ٹوک سے کیا فائدہ ! اس کا تو کوئی فائدہ نہ ہوا اور حضرت کو روک ٹوک کی کلفت بڑھی فرمایا بحمد اللہ مجھے کوئی کلفت نہیں ہوتی بلکہ ایک خط ہوتا ہے کہ ان کی غلطی پر متنبہ کیا گیا اور فائدہ سے خالی نہیں ـ

مریدی نجات کیلئے کافی نہیں فرمایا ! کہ ایک خط آیا ہے لکھا ہے کہ حضرت اپنے خدام میں داخل فرما لیں شاید اس ناکارہ کی نجات ہو جائے ـ میں نے جواب میں لکھ دیا ہے کہ اگر دوسری جانب کی شاید واقع ہو جائے تو کیا کرو گے ( مقصود طریق کلام کی تعلیم ہے کہ نجات کو خادم بننے پر متفرع کرنا مخدوش ہے )

صاحب حال کو حال پر عمل کرنے سے نہ روکنا فرمایا ! کہ میں کسی صاحب حال شخص کو اس کے حال کے اقتضاء پر عمل کرنے سے خواہ وہ حال ناقص ہی کیوں نہ ہو نہیں روکتا ـ اگر صاحب حال خود چاہے تو اس کی احلاح یا تعدیل کر دیتا ہوں ورنہ اس کے حال پر چھوڑ دیتا ہوں ـ اور اس حال کی قدر کرتا ہوں اور قدر کرنی چاہئے بھی ـ اگر چیخنے کو جی چاہئے خوب چیخے اگر ہنسنے کو جی چاہے خوب ہنسے جو حال دار ہو اس کو اس وقت روکنا نہیں چاہیے ـ

حضرتؒ پر تہمت اور حضرت کے چند مواعظ ایک سلسلہ گفتگو میں فرمایا ! کہ ایک صاحب مجھ سے حکایت بیان کرتے تھے کہ کاٹھیا واڑ میں میرے متعلق بعض عنایت فرماؤں نے یہ مشہور کر رکھا ہے کہ فلاں شخص حضورؐ پر ایمان لانے کو منع کرتا ہے ـ یہ سن کر میں بڑا خوش ہوا کہ تہمت بھی لگائی تو ایسی جس کو کوئی قبول ہی نہیں کر سکتا فرمایا کہ میرے چند وعظ ہیں جن کے یہ نام ہیں ـ النور ، الظہور ، السرور ، الحبور ،

ام سپرد کرنے سے پہلے اہلیت کی تحقیق ایک مولوی صاحب نے ایک مدرسہ کے ارکان اور منتظمین کی کچھ انتظامی کوتاہیاں بیان کر کے حضرت والا سے مشورہ چاہا اور بعض خاص صورتیں پیش کر کے حکم شرعی دریافت کیا اس پر حضرت مولانا نے فرمایا کہ یہ انتخاب کی غلطی ہے قاعدہ یہ ہے کہ جس کے جو کام سپرد کیا جائے پہلے یہ دیکھ لیا جائے کہ یہ اس کام کی ذمہ داری کا اہل ہے یا نہیں یہ تو بے چارہ مدرسہ ہے بعض سلطنتیں اس غلطی انتخاب کی بدولت تباہ و برباد ہیں یہ جو کچھ آجکل ارکان سلطنت کو پریشانیاں ہو رہی ہیں اس کی ایک خاص وجہ یہ بھی ہے کہ اکثر احکام اہل نہیں وہ اپنے فرائض منصبی کو محسوس نہیں کرتے اور اگر بعض کرتے بھی ہوں تو اس کے انجام دہی میں غفلت سے کام لیتے ہیں ـ غرضیکہ سبب ان خرابیوں کا غلط انتخاب ہے ـ رہا حکم شرعی کے متعلق وہ یہ ہے کہ کتابوں میں مسئلہ دیکھ لیا جائے مجھ کو تو ان تحقیقات سے زیادہ مناسبت نہیں آپ حضرات مجھ سے زیادہ جاننے والے ہیں ـ

ہل کمال کا استغناء اور سر سید کے دو واقعے ایک سلسلہ گفتگو میں فرمایا ! کہ بڑا شخص دین کا ہو یا دنیا کا ـ اس میں استغنا ضرور ہوتا ہے ـ مراد یہاں پر اہل کمال ہیں اہل مال نہیں اہل کمال کا حوصلہ بھی بڑا ہوتا ہے سر سید کا ایک واقعہ عجیب و غریب ہے ایک شخص انگریزی تعلیم یافتہ ملازمت نہ ملنے کی وجہ سے پریشان تھے کیا سوجھی کہ ایک بہت بڑے افیسر انگریز کے پاس پہنچے اور کہا کہ میں سر سید کا داماد ہوں مجھ کو ملازمت کی ضرورت ہے ـ وہ انگریز بہت ہی خاطر سے پیش آیا اور کہا کہ آپ ٹھہریں ان کو ٹھہرا کر ان کی لا علمی میں ایک تار سر سید کو دیا کہ فلاں شخص اس نام کا ہمارے پاس ملازمت کے خیال سے آیا ہے اور اپنے کو آپ کا داماد کہتا ہے کیا یہ واقعہ صحیح ہے جواب میں سر سید نے اس انگریز کو لکھا کہ بالکل صحیح ہے ضرور آپ ملازمت کی کوشش فرماویں ـ میں ممنون ہوں گا اس شخص کو ملازمت مل گئی ـ ایک روز اتفاقا اس انگریز نے اس شخص سے یہ واقعہ بیان کر دیا یہ بہت ہی شرمندہ ہوا ـ اور کچھ عرصہ کے بعد یہ شخص علی گڑھ آیا اور سر سید سے مل کر معافی کی درخواست کی ـ اور کہا کہ میں وہی شخص ہوں جس نے اپنے کو آپ کا داماد بتلا کر ملازمت لی ہے یہ گستاخی ہوئی ـ گو یہ گستاخی بضرورت تھی سر سید نے جواب میں کہا کہ گو یہ بات اس وقت غلط تھی مگر اب صحیح ہو جائے گی ـ داماد کہتے ہیں بیٹی کے شوہر کو ـ اس کی ایک صورت تو یہ تھی کہ میری بیٹی آپ کی بیوی ہوتی سو یہ تو ہو

استغناء اور کبر میں فرق معلوم کرنے کا آسان طریقہ ایک مولوی صاحب نے عرض کیا کہ حضرت کسی کو خیال تو یہ ہو کہ میں مستغنی ہوں اور واقع میں اس میں کبر ہو اس کا کیا علاج ہے ـ فرمایا اس کے کئی طرق ہیں ـ معلوم کرنے کے اپنے مربی سے حالت بیان کرکے حل کر لے ـ یہ باتیں کلیات یبان کرنے سے سمجھ میں آ نہیں سکتیں واقعات جزئیہ سے مصلح خود سمجھ لے گا ـ 4 رمضان المبارک 1250ھ مجلس بعد نماز ظہر یوم چہار شنبہ

خانقاہ تھانہ بھون اور حضرت حاجی صاحبؒ کی نشست مولوی صاحب نے عرض کیا کہ حضرت حاجی صاحبؒ اسی جگہ بیٹھتے تھے جس جگہ حضرت بیٹھتے ہیں فرمایا کہ نہ معلوم ہے کہ اور نہ کبھی تحقیق کی ـ اتنا ضرور معلوم ہے کہ بیٹھنے کی جگہ یہی سہ دری ہے ـ اس سہ دری کے متعلق مختلف اجزاء مختلف لوگوں سے سنے منجملہ ان کے ایک یہ ہے کہ یہاں پر پہلے یہ سہ دری نہ تھی ـ بلکہ ایک میدان تھا اس میں کچھ درخت تھے ایک درویش تھے ـ

حسن شاہ نامی انہوں نے یہاں پر قیام کر لیا تھا درویش تو وہ ایسے ہی تھے سماع وغیرہ کا بہت شوق تھا ـ مگر جب حضرت حاجی صاحبؒ نے یہاں پر آںا شروع کیا تو حسن شاہ یہاں سے اٹھ کر شاہ ولایت صاحب میں چلے گئے ـ حضرت نے کبھی اس کے متعلق کچھ نہیں فرمایا ـ یہ محض ان کا ادب تھا کہ بدوں حضرت کے فرمائے ہوئے چل دیے ـ جس سے معلوم ہوتا ہے کہ نرے کورے ہی نہ تھے ـ پہلے تو یہ لوگ بھی اللہ اللہ کرنے والے تھے ـ اسکا یہ اثر ہوتا تھا اور اب تو کثرت سے فاسق فاجر نفس پرست ہونے لگے ہیں ـ دین کے ساتھ تمسخر کرتے ہیں نہ علم کا ادب نہ اہل علم کا ادب ، نہ شریعت مقدسہ کا قلب میں احترام ، بالکل آزاد ، نہ خدا کے نہ رسول کے جو جی میں آتا ہے کرتے ہیں پہلے درویش علم اوراہل علم اور شریعت مقدسہ کا احترام کرتے تھے ۤـ گو بظاہر بعض حدود سے متجاوز ہوتے تھے مگر ان کے باطن میں شریعت کا ادب و وقعت و عظمت و احترام ہوتا تھا ـ اب تو نہ معلوم کیا ان لوگوں پر بلا نازل ہوئی ہے قطعا حس نہیں ان کی حرکات سن سن کر افسوس ہوتا ہے جھوٹے جھوٹے مسائل جھوٹی جھوٹی روایتیں گھڑ رکھی ہیں خود بھی گمراہ ہوتے ہیں اور دوسروں کو بھی گمراہ کرتے ہیں ـ عوام بھی ایسے ہی مکاروں کے معتقد ہو جاتے ہیں ـ جتنا جس کو خلاف شریعت دیکھتے ہیں اتنا ہی کامل سمجھتے ہیں ان کے یہاں بزرگی کے لوازم میں سے ہے کہ خلاف شریعت ہو ـ نہ نماز ہو نہ روزہ چاروں ابرو کا صفایا ہو ـ لنگوٹا بندھا ہو وہ درویش ہے ـ صوفی ہے کامل ہے ولی ہے قطب ہے غوث ہے ـ لاحول ولاقوۃ الاباللہ ـ مولانا ایسوں ہی کے بارے میں فرماتے ہیں ؎ کار شیطان میکنی نامت ولی ٭ گر ولی این ست لعنت برولی (تو کام شیطان کے کرتا ہے اور نام تیرا ولی ہے ـ اگر ولی یہی ہے تب ( تو ) ولی پر لعنت ( مطلب یہ ہے کہ ایسے کو ولی کہنا یہی عظیم غلطی ہے 12) غرضیکہ میں یہ بیان کر رہا تھا کہ حسن شاہ خود ہی اس مسجد کو چھوڑ کر شاہ ولایت میں چلے گئے ـ اس کے بعد یہ سہ دری تیار ہوئی اس کا بھی عجیب واقعہ ہے یہاں ایک خاندان تھا ان کے پاس کچھ زمین تھی وہ شاہی زمانہ سے معافی میں تھی انگریزوں نے اس پر مال گزاری لگا دی ـ اس پر

سب بزرگوں کی جوتیوں کا صدقہ ہے ایک مولوی صاحب نے عرض کیا کہ حضرت جو چیز بیان فرماتے ہیں ماشاءء اللہ بے غبار ہوتی ہے نہ اس پر کوئی شبہ وارد ہوتا ہے اور نہ شک رہتا ہے ـ فرمایا کہ میرا کوئی کمال نہیں مجھ کو تو کچھ یاد بھی نہیں ـ یہ سب اپنے بزرگوں کی جوتیوں کا صدقہ اور حق تعالی کا فضل ہے اور آپ کا حسن ظن ـ

آیت وللہ العزۃ ولرسولہ وللمؤمنین کا مطلب ایک مولوی صاحب نے عرض کیا کہ حضرت وللہ العزۃ ولرسولہ وللمومنین سے کہاں کی عزت مراد ہے اور کیا اس کا مفہوم سابقین ہی پر ختم ہو گیا ـ فرمایا کہ مناط (اصل ) عزت تو مسلمان ہی کو حاصل ہے اور وہ عزت آخرت کی ہے اسلئے کہ یہاں پر تو خلاف کا وقوع بھی ہوتا رہتا ہے جس عزت کو حق تعالی فرما رہے ہیں وہ عزت آخرت ہی کی ہے کہ وہاں کمال عزت کا درجہ مسلمانوں ہی کو عطا فرمایا جائے گا اور کفار کو انتہائی ذلت کا سامنا ہوگا